Kallëzim penal ndaj anëtarit të “Lëvizjes së Deçanit” për nxitje të urrejtjes fetare

Në Gjykatën Themelore në Prishtinë është dorëzuar kallëzim penal ndaj Belisar Jezerci, anëtar i “Lëvizjes së Deçanit”, për dyshimin e kryerjes së veprës penale “Nxitja e përçarjes dhe mosdurimit” mbi baza fetare.

Kallëzimin e ka dorëzuar avokati Asdren Bytyqi, i cili ka theksuar se Jezerci ka bërë veprime dhe thirrje në rrjetet sociale që nxisin urrejtje ndërfetare, përfshirë kërkesa për spastrimin etnik të myslimanëve shqiptarë nga territori i Dardanisë.

Në postimet e tij, Jezerci ka bërë thirrje anti-islame, duke e quajtur islamizmin një ideologji primitive dhe duke kërkuar zhdukjen e saj nga trevat shqiptare në Gadishullin Ilirik.

Avokati Bytyqi ka deklaruar se nuk do të ndalen ndaj provokuesve që nxisin urrejtje ndër shqiptarë dhe presin reagim nga organet e rendit për këtë çështje.