Qeveria Kurti 3 me një ministri të re, që nuk ka qenë më parë

Në përbërjen e propozuar të Qeverisë Kurti 3, kryeministri Albin Kurti kishte paralajmëruar krijimin e një ministrie të re, e cila nuk kishte ekzistuar më parë në strukturat qeveritare të Kosovës.

Fjala është për Ministrinë e Familjes dhe Mirëqenies Sociale.

Kjo ministri ishte përmendur disa muaj më parë si pjesë e reformës institucionale, me synim që çështjet e familjes, mbrojtjes sociale dhe mirëqenies të trajtohen në mënyrë më të fokusuar dhe të pavarur.

Megjithatë, kabineti i propozuar i Qeverisë Kurti 3 nuk pati arritë të marrë votat e nevojshme në Kuvend, duke mbetur vetëm në fazë propozimi.

Krijimi i kësaj ministrie u konsiderua si një risi në qeverisje dhe një ndryshim i rëndësishëm në organizimin institucional të shtetit.

Se a do të krijohet kjo ministri pasi që tash Kurti të marrë edhe zyrtarisht qeverinë dhe mandatin e ri, mbetet të shihet.