“I keni 13%, zonjë, diçka s’është në rregull këtu” – Mushkolaj i reagon Jehona Lushaku-Sadriut të LDK-së

Jehona Lushaku-Sadriu i ka shkruar moderatorit të emisionit Debat Plus, Ermal Panduri, derisa analistët në studio ishin duke komentuar rreth “luftës së Lumirit” ndaj mediave, gazetarëve dhe analistëve.

Ajo i ka shkruar Pandurit:

“Reforma e partisë është kadrovike dhe programore, kemi prurje të reja që janë përkrahur, shikoj deputetët e rinj sot”, ka shkruar Lushaku-Sadriu.

Lidhur me këtë ka reaguar analisti Imer Mushkolaj.

“Është e vërtetë që ka prurje programore dhe kadrovike, por i ke 13%. D.m.th. në parim mundemi me fol, me i mirëprit ato. Personalisht i kam mirëpritur prurjet që i ka pru LDK-ja, edhe kur kam bë përzgjedhje të njerëzve, propozime – çka me thënë, kë me votu e të tjera e të tjera – por rezultati është 13%. Kjo i bjen që diçka nuk është në rregull brenda LDK-së, ose njerëzit nuk i kanë kuptuar mirë këto përpjekje për reformë, ose reformën kadrovike, ose s’e kanë kuptuar mirë reformën programore. Diku po çalon”, ka thënë ai.