E dhimbshme: Ky është punëtori që humbi jetën tragjikisht
Punëtori 55-vjeçar Mixhen Sadiku ka humbur jetën sot në një aksident të rëndë në vendin e punës në Termocentralin “Kosova B” në Obiliq.
Sadiku ishte punëtor i sigurimit.
Si pasojë e një përplasjeje me një kamion, ai ka pësuar lëndime të rënda trupore dhe, pavarësisht ndihmës së menjëhershme mjekësore, ka ndërruar jetë.
Sipas informacioneve të para, vozitësi i kampionit që shkeli për vdekje viktimën nuk e kishte parë atë teksa po e kthente automjetin prapa.
Në vendin e ngjarjes kanë dalë menjëherë zyrtarët e KEK-ut, Policia e Kosovës dhe ekipet emergjente mjekësore, të cilat kanë konfirmuar se viktima ka ndërruar jetë.
