Motra tenton ta godas vëllain me këpucë

Një incident shqetësues i dhunës në familje është raportuar më 24.02.2026, rreth orës 14:30, në rrugën “Bill Clinton” në Pejë.

Sipas informatave, patrulla policore ka dalë menjëherë në vendin e ngjarjes, ku ka hasur palët e përfshira, ndërsa e dyshuara E. S. është shoqëruar në Stacionin Policor në Pejë.

Viktima, G. S. ka deklaruar se jeton në të njëjtën shtëpi me prindërit, motrën (të dyshuarën), bashkëshorten dhe djalin e tij 11-muajsh.

Sipas tij, ditën e incidentit, e dyshuara ishte duke pastruar shtëpinë, më pas ka filluar ta ofendojë me fjalë të ndryshme dhe me zë të lartë. Viktima ka tentuar disa herë ta qetësojë, duke i kërkuar të mos bërtasë pasi fëmija ishte në gjumë, por e njëjta ka vazhduar.

Situata ka eskaluar kur e dyshuara ka marrë një këpucë dhe ka tentuar ta godasë viktimën, por pa arritur. Në këtë moment ka ndërhyrë babai i tyre, i cili i ka ndarë.

Sipas deklarimeve, më pas E. S ka shkuar në kuzhinë dhe ka marrë një thikë, por edhe kësaj radhe është ndalur nga babai, duke parandaluar përshkallëzim të mëtejmë të konfliktit.

Lidhur me rastin është njoftuar Prokurori i Shtetit, i cili ka udhëzuar që të iniciohet rasti për “Dhunë në familje”. E dyshuara është intervistuar dhe me urdhër të Prokurorit është liruar, ndërsa rasti mbetet në trajtim nga organet kompetente.