Kurti reagon pas aksidentit tragjik: Mendimet tona janë me viktimat dhe familjet e tyre

Kryeministri i Kosovës në detyrë, Albin Kurti, ka reaguar pas aksidentit tragjik hekurudhor në Spanjë, ku humbën jetën dhjetëra persona.

Përmes një postimi në rrjetin social X, Kurti ka shprehur pikëllimin e thellë për humbjen e jetëve dhe ka shprehur solidaritet me familjet e viktimave.

“Jemi thellësisht të trishtuar nga lajmet që vijnë nga Spanja për aksidentin tragjik me tren, i cili mori shumë jetë njerëzish.

Mendimet tona janë me viktimat dhe familjet e tyre, ndërsa ekipeve të shpëtimit u urojmë forcë në përpjekjet e tyre,” ka shkruar Kurti.