Albin Kurti kujton me dhimbje rastin që ende trondit Kosovën

Dje u bënë 24 vjet nga vrasja e Smajl Hajdarajt, deputet i Kuvendit të Kosovës dhe veteran i UÇK-së. Kryeministri Albin Kurti e ka kujtuar me dhimbje figurën e tij, duke theksuar mungesën e drejtësisë edhe pas dy dekadash.

Hajdaraj u vra më 17 janar 2002, pranë banesës së tij në Pejë, nga atentatorë ende të panjohur. Rasti vazhdon të mbetet i pazbardhur.

Kurti ka theksuar se vrasjet politike pas luftës ishin goditje serioze ndaj rendit demokratik dhe procesit të shtetndërtimit të Kosovës.

Smajl Hajdaraj ishte profesor i matematikës, veprimtar i LDK-së dhe komandant i shtabit rajonal të UÇK-së për Rugovë. Pas luftës, ai u rikthye në arsim dhe politikë.

Ai u zgjodh deputet në legjislaturën e parë të Kuvendit të Kosovës, por angazhimi i tij u ndërpre dhunshëm nga atentati.

Në fund, Kurti ka bërë thirrje që zbardhja e vrasjeve politike të mbetet prioritet i institucioneve të drejtësisë.