Detaje nga aksidenti ku mbeti i vdekur një person

PodujevaSot para pak minutash ka raportuar për një aksident me fatalitet në rrugën Komoran- Carralevë.

Këtë e ka konfirmuar zëdhënësja e Policisë për rajonin e Prishtinës, Flora Ahmeti.

“Sot rreth orës 19:30, kemi pranuar informatën se në rrugën Komoran- Carralevë , ka ndodhur një aksident trafiku me pasoja fatale.Në këtë aksident kanë qenë të përfshira dy automjete”.

“Si pasojë e aksidentit janë lënduar pesë persona njëri nga të cilët  ka vdekur. Vdekja e viktimës (mashkull)  është konstatuar nga ekipi mjekësor në Shtëpinë e Shëndetit në Komoran. Personat tjerë të lënduar janë dërguar për tretman mjekësor në QKUK, ndërkohë që me rastin po merret njësiti i trafikut rajonal”, thuhet në konfirmim.