Incident i rëndë në Klinikë, policia vret një 33 vjeçar

Një incident i rëndë ka ndodhur në Klinikën Universitare të qytetit Gießen në Gjermani, ku një burrë 33 vjeçar ka humbur jetën pas ndërhyrjes së policisë.

Sipas njoftimeve zyrtare, personi ishte në gjendje të rënduar psikologjike dhe kishte kërcënuar stafin mjekësor me një gërshërë brenda objektit të spitalit. Pas alarmimit nga punonjësit e klinikës, në vendngjarje kanë arritur njësitë e policisë.

Autoritetet bëjnë të ditur se burri nuk iu bind urdhrave të policisë dhe dyshohet se tentoi të sulmonte edhe zyrtarët policorë me të njëjtin mjet. Për shkak të rrezikut të menjëhershëm, policia u detyrua të përdorë armën e zjarrit.

33 vjeçari u plagos rëndë dhe, pavarësisht ndihmës mjekësore, ndërroi jetë në vendngjarje. Asnjë person tjetër nuk raportohet të ketë mbetur i lënduar nga ky incident.

Prokuroria dhe Zyra Kriminalistike e landit të Hessenit kanë nisur hetimet për të sqaruar plotësisht rrethanat e ngjarjes. Trupi i viktimës është dërguar për autopsi, ndërsa hetimet janë ende në zhvillim.

Burimi: RTL.de.