Tronditet Gjermania: Burri vret gruan me thikë

Një ngjarje e rëndë ka ndodhur në Wallersdorf, në rajonin Niederbayern (Bavari e Ulët) të Gjermanisë, ku një grua 39-vjeçare ka humbur jetën pas një sulmi me thikë brenda familjes.

Sipas autoriteteve, dyshohet se ajo është goditur për vdekje nga bashkëshorti i saj 44-vjeçar, pas një konflikti në banesën e tyre. Gruaja ka ndërruar jetë në vendngjarje si pasojë e plagëve të marra.

Policia ka ndërhyrë menjëherë dhe ka arrestuar të dyshuarin pa rezistencë. Motivët e ngjarjes ende nuk janë bërë publike, ndërsa hetimet janë në zhvillim.

Fëmijët e çiftit nuk janë lënduar, por për arsye sigurie janë marrë nën kujdes nga shërbimet sociale. I dyshuari pritet të dalë para gjykatës për caktimin e masës së sigurisë.