Komandanti i KFOR-it takohet me Jasharin, ja se çka diskutuan

Komandanti i KFOR-it, gjeneralmajor Ozkan Ulutash, ka pritur në takim komandantin e Forcës së Sigurisë së Kosovës (FSK), gjenerallejtënant Bashkim Jashari.

Sipas njoftimit të KFOR-it, gjatë takimit është diskutuar për situatën e sigurisë në Kosovë dhe për bashkëpunimin mes KFOR-it dhe organizatave të sigurisë në vend, përfshirë FSK-në, të cilën NATO-ja vazhdon ta mbështesë nën mandatin e saj fillestar.

“Gjeneralmajor Ulutash theksoi rëndësinë e koordinimit të vazhdueshëm dhe të ngushtë, në dobi të sigurisë së qëndrueshme në të gjithë Kosovën dhe stabilitetit rajonal”, thuhet në komunikatën e KFOR-it.