Kurti flet për ish-krerët e UÇK-së, ja se çka tha
epa09491044 Albin Kurti, Prime Minister of the Republic of Kosovo reacts during a press conference following his meeting with Edi Rama, (not pictured), Prime Minister of Albania, in Pristina, Kosovo, 27 September 2021. Prime Minister of Albania Edi Rama is on a one-day official visit in Kosovo. EPA-EFE/VALDRIN XHEMAJ
Kryeministri në detyrë, Albin Kurti, ka thënë në një intervistë në “Kanal10” se përmes një letre dërguar kryetares së Dhomave të Specializuara, Ekaterina Trendafilova, ka kërkuar që ish-krerët e UÇK-së, të cilët po mbahen në Hagë, të kthehen dhe të mbahen në paraburgim në Kosovë.
“Kam kërkuar dy gjëra. E para: kam ofruar garancitë e mia që ata të vijnë në Kosovë dhe të qëndrojnë në Kosovë në burg. Të jenë pranë familjeve, që do të ishte një lehtësim i madh. Në rregull, ata po konsiderojnë se duhet të qëndrojnë në paraburgim. Pse të qëndrojnë në Holandë, kur mund të jenë në Kosovë. Ai burg është” – tha Kurti.
“E dyta që e kam kërkuar është pyetja ime se a është e mundshme që Dhomat e Specializuara t’i trajtojnë edhe rastet e krimeve të kryera nga Serbia gjatë luftës në Kosovë.
Për çështjen e parë, kryetarja e gjykatës pati thënë, pak a shumë, se nuk bën kthimi i tyre në Kosovë, ndërkaq për çështjen e dytë, ka qenë më shumë po se jo. Unë besoj se ata duhet ta publikojnë përgjigjen e tyre” – shtoi ai.
