Murati befason me atë që publikoi për pagat

Ministri i Financave, Hekuran Murati, ka shpërndarë një njoftim lidhur me rritjen e pagës minimale në Kosovë, duke theksuar se Qeveria po merr masa në favor të punëtorëve të sektorit privat.

Përmes një postimi, Murati ka ndarë njoftimin e kryeministrit Albin Kurti, ku bëhet e ditur se nga muaji i ardhshëm paga minimale do të rritet nga 350 euro në 425 euro bruto. Po ashtu, nga data 1 korrik pritet të fillojë faza e dytë, ku paga minimale do të arrijë në 500 euro bruto.

Sipas njoftimit të shpërndarë nga Murati, rreth 150 mijë punëtorë të sektorit privat do të përfitojnë nga kjo rritje, e cila vjen pas më shumë se një dekade pa ndryshime të ndjeshme në këtë sektor.

Murati ka theksuar se ky hap synon përmirësimin e kushteve për punëtorët dhe rritjen e standardit të jetesës.