Policia jep detaje për aksidentin ku një person u pa i shtrirë në rrugë

Një person është lënduar në aksidentin që ka ndodhur mëngjesin e sotëm në rrugën “Arbënor e Astrit Dehari” në Prishtinë, raporton Gazeta Blic.

Lajmin e ka konfirmuar për Gazeta Blic zëdhënësi i Policisë për rajonin e Prishtinës, Enis Pllana, i cili tha se në aksident ishin të përfshirë një motoçikletë dhe një këmbësor.

“Sot rreth orës 07:30 kemi pranuar informatën për një aksident trafiku me lëndime në rrugën “Arbënor e Astrit Dehari” në Prishtinë. Në aksident janë përfshirë një motoçikletë dhe një këmbësor. Si pasojë lëndime ka pësuar një person, i cili ka pranuar tretman mjekësor. Me rastin po merret Trafiku i Kryeqytetit”, tha Pllana.