Ra në kontakt me rrymën elektrike, humb jetën 24-vjeçari

Një ngjarje tragjike është regjistruar në portin e Durrësit, ku një i ri me origjinë nga Azerbajxhani ka humbur jetën si pasojë e një goditjeje elektrike.

Viktima, i identifikuar si 24-vjeçari Avaz Yafarov, punonte si elektriçist dhe ishte pjesë e ekuipazhit të anijes “Kyebele”, e cila lundron nën flamurin e Panamasë. Gjatë punës së tij në bord, ai dyshohet se ka rënë në kontakt me rrymën elektrike.

Ekipet e ambulancës mbërritën menjëherë në vendngjarje, por përpjekjet për ta shpëtuar të riun kanë qenë të pasuksesshme.