Hekuran Murati reagon pas vendimit të KQZ-së

Komisioni Qendror i Zgjedhjeve (KQZ) ka caktuar sot me short numrat rendorë për subjektet politike, ku Lëvizja Vetëvendosje ka marrë numrin 116.

Menjëherë pas këtij vendimi, deputeti i VV-së, Hekuran Murati, ka reaguar përmes një postimi në rrjetet sociale, ku ka shpërndarë në storie në Favebook një grafikë me numrin 116 dhe mesazhin: “116 është numri i fitores edhe më të madhe që na duhet dhe e synojmë me ndihmën e të gjithë qytetarëve.”

Postimi u përhap me shpejtësi në rrjetet sociale dhe u interpretua si fillim i sinjaleve të para të fushatës zgjedhore të Vetëvendosjes, duke ngritur vëmendjen e opinionit publik.

Sipas njoftimit të KQZ-së, shorti për numrat rendorë është pjesë e procedurave standarde para fillimit të procesit zgjedhor, ndërsa subjektet politike tashmë kanë nisur pozicionimin e tyre për garën elektorale.

Numri 116 pritet të jetë pjesë qendrore e komunikimit politik të VV-së në javët në vijim.