A u “avulluan” 26 milionë euro? – Ku mbetën paratë e premtuara nga qeveria?
Qeveria e Kosovës në tetor kishte premtuar një pako prej 26 milionë eurosh për studentët, pjesë e së cilës ishte edhe bursa e mobilitetit për studentët bachelor që studiojnë larg vendbanimit. Nga kjo shumë, 20 milionë euro u dedikuan pikërisht për këtë kategori të studentëve.
Edhe pse vendimi ishte bërë publik, njoftimet zyrtare rreth shpërndarjes së plotë të kësaj burse mungojnë. Deri më tani, e vetmja pjesë e buxhetit për të cilën ka pasur transparencë të plotë është pagesa prej 100 eurove, që sipas njoftimeve qeveritare u transferua për rreth 49 mijë studentë. Kjo pjesë u krye një fazë, ndërs faza tjetër ende jo për studentët.
Por çfarë ndodhi me 20 milionët për mobilitet?
Studentët që udhëtojnë nga distanca të mëdha për të vijuar studimet e tyre duhet të ishin përfituesit kryesorë të kësaj skeme. Megjithatë, deri në këtë moment:
-
Nuk ka një publikim zyrtar se sa studentë kanë marrë bursën.
-
Nuk ka një njoftim se a ka filluar pagesa për përfituesit.
-
Nuk është publikuar asnjë listë përfituesish apo statistikë e detajuar.
Në mungesë të këtyre të dhënave, studentët dhe opinioni publik kanë mbetur me pyetjen e thjeshtë:
A janë shpërndarë paratë? Nëse po, sa prej tyre dhe kujt?
Institucionet heshtin, studentët presin
Bursa e mobilitetit duhet të ishte një ndihmë reale për ata që çdo ditë përballen me shpenzime të transportit. Pavarësisht këtyre kërkesave, as Ministria e Financave dhe as institucionet e arsimit nuk kanë ofruar një raport të plotë mbi ecurinë e pagesave.
Kjo ka bërë që të shtohen dyshimet se procesi ka mbetur pezull, ose po zbatohet me vonesa të mëdha, duke e kthyer premtimin për 20 milionë euro në një pikëpyetje të madhe publike.
A do të ketë sqarime?
Transparenca buxhetore është thelbësore, sidomos kur bëhet fjalë për fonde kaq të mëdha dhe për një kategori të ndjeshme si studentët. Derisa të publikohen të dhëna zyrtare të plota, mbetet e hapur pyetja:
A u avulluan 26 milionë euro apo thjesht po vonohet raportimi?
