Mushkolaj paralajmëron që Nisma mund të shkojë me LDK-në, ja si ndodh kjo

Analisti Imer Mushkolaj duke komentuar koalicionet parazgjedhore të subjekteve politike, ka thënë se ende ka kohë që NISMA Socialdemokrate e Fatmir Limajt të bëhet bashkë me Lidhjen Demokratike të Kosovës (LDK).

Ai tutje ka thënë se kohëve të fundit bisedat e dëgjuara kanë qenë LDK–NISMA.

“S’kam dëgjuar për PDK–NISMA, dhe është demantuar prej drejtuesve të PDK-së që ka pasur biseda të tilla, të paktën zyrtarisht. Nuk ka pas biseda as me të Vetëvendosjes, të paktën aq sa është bërë e ditur. Kështu që mbetet LDK–NISMA, pavarësisht që është regjistrua mbrëmë si parti që merr pjesë e vetme në zgjedhje, fare lehtë mundet me ndodh me u bë pjesë e listës së LDK-së dhe me u tërheq prej garës si parti e vetme”, ka deklaruar Mushkolaj në Debat Plus.