Murati flet për një lëvizje të LDK-së që askush nuk e priste…

Ministri i Financave, Hekuran Murati, ka reaguar ashpër ndaj Lidhjes Demokratike të Kosovës, duke e akuzuar se po vepron kundër interesave të diasporës. Sipas tij, Ministria e Punëve të Jashtme dhe Diasporës ka ofruar hapësira shtesë për votim në ambasada dhe konsullata, me qëllim që procesi i votimit të jetë sa më i lehtë për bashkatdhetarët jashtë vendit.

Murati thotë se LDK-ja ka paraqitur ankesë në PZAP për ta kundërshtuar këtë lehtësim, ndërsa PZAP-i e ka miratuar kërkesën e saj. Ai shton se, ndonëse LDK-ja publikisht kërkon votën e diasporës, veprimet e saj tregojnë të kundërtën.

Sipas ministrit, ky hap i LDK-së përbën përpjekje për ta vështirësuar procesin e votimit për mijëra qytetarë që jetojnë jashtë vendit.