Hekuran Murati jep lajmin e mirë që të gjithë e prisnin

Ministri i Financave, Hekuran Murati, ka dhënë sot një lajm të shumëpritur për familjet në vend. Ai ka konfirmuar se shtesat për mbi 400 mijë fëmijë tashmë janë ekzekutuar dhe përfshijnë rritjen prej 50%, e cila ishte paralajmëruar më herët nga Qeveria e Kosovës.

Sipas ministrit, gjatë ditës së sotme të gjitha familjet përfituese do t’i kenë mjetet e reja të transferuara në llogaritë e tyre bankare. Ky hap konsiderohet një lehtësim i rëndësishëm ekonomik për prindërit dhe kujdestarët, sidomos në periudhën me rritje të kostos së jetesës.

Murati theksoi se Qeveria do të vazhdojë me, siç u shpreh ai, “punë të mira”, duke rikujtuar se fokusi i ekzekutivit mbetet mbështetja e drejtpërdrejtë për familjet dhe fëmijët. “Qeveria për Familjen”, ishte mesazhi që mbylli njoftimin e tij publik.