Arrestohet një person në Merdare, kjo është arsyeja

Një person i kërkuar me urdhëresë aktive është arrestuar në pikën kufitare Merdare, pasi ka rezultuar i dënuar për veprën penale “Vjedhje”.

Ngjarja ka ndodhur më 23.11.2025 rreth orës 06:30, kur zyrtarët policorë gjatë kontrollit në SPK Merdare kanë ndaluar një shtetas, i cili pas verifikimeve ka rezultuar se ishte në kërkim nga Gjykata Themelore në Prishtinë – dega në Lipjan.

Sipas informacioneve, ndaj tij ishte lëshuar urdhëresë për ekzekutimin e dënimit me burg në kohëzgjatje prej 40 ditësh.

Pas përfundimit të procedurave policore, i njëjti është dërguar në Qendrën e Paraburgimit në Gjilan për vuajtje të dënimit, ndërsa rasti është trajtuar në përputhje me procedurat ligjore në fuqi.